سال نو: انٹرنیٹ سرچ انجن گوگل نے ڈوڈل تبدیل کر دیا

معروف ترین انٹرنیٹ سرچ انجن گوگل نے بھی دنیا بھر کی عوام کی طرح نئے سال 2024 کی صبح کا استقبال منفرد انداز سے کرتے ہوئے اپنا ڈوڈل تبدیل کر دیا۔

سال نو کا خیرمقدم کرنے کے لئے گوگل نے اپنی سابقہ روایات برقرار رکھتے ہوئے ایک خصوصی رنگا رنگ ڈوڈل جاری کیا جسے نئے سال کی شام کا جشن کا عنوان دیا۔

یہ تبدیلی رخصت ہونے والے 2023 کو الوداع کہنے اورنئے سال کے لئے استقبال کا پیغام ہے۔

گوگل کے ڈوڈل یکم جنوری 2024میں رنگ برنگے ربنز لفظ گوگل پر برس رہے ہیں جبکہ درمیان کے ایک حرف O کو لینس کی طرح واضح کر کے گلوب کی شکل دی گئی۔

یہ گلوب مسکرا رہا ہے جس سے یہ ظاہر کیاگیا کہ یہ مسکراہٹ کیساتھ گوگل پر آنے والے تمام صارفین کو خوش آمدید کہہ رہا ہے۔