سڑک حادثے میں تین افراد ہلاک

غازی پور، 13 جنوری (یو این آئی) اترپردیش کے اس ضلع میں گذشتہ روز ایک سڑک حادثے میں تین افراد ہلاک ہوگئے۔ پولیس کے ترجمان نے آج یہاں بتایاکہ بھردا علاقہ کے پلہی بدھوپور نہر کی سڑک پر پانڈے پور گاوں کے نزدیک موٹرسائکل کی ٹکر میں یشونت (26) اور دینورا راجیش سنگھ (29) کی موت ہوگئی۔ اس کے علاوہ کریم الدین پور علاقہ کے اونچاڈی گاوں کے باشندہ پی اے سی کے جوان یدھیسٹر پانڈے (40)موٹرسائکل سے غازی پور شہر آرہے تھے تبھی محمدآباد کے گوسپور بازار میں ان کی موٹرسائکل ایک دیگر موٹر گاڑی سے ٹکرا گئی جس سے پانڈے کی موت ہوگئی۔