آئی ایم اے الیکشن میں بارش نے ڈالا خلل

کانپور:انڈین میڈیکل ایسو سی ایشن کا الیکشن اتوار کو بوناجھاور واقع بی این ایس ڈی شکشا نکیتن میں آئی ایم اے مجلس عاملہ الیکشن کے سلسلے میں ووٹنگ ہوئی۔ انتخابی میدان میں تین صدر اور مجلس عاملہ عہدے کے لئے نتائج آنے ہیں۔ دوپہر بارہ بجے تک ۴۸۹ ووٹروں نے ووٹ ڈالے تھے ۔ ان ووٹروں کی بنیا د پر صد ر عہدے کی ٹکر ڈاکٹر آرتی لال چندانی اور ڈاکٹر آر سی گپتا کی زبردست ٹکر چل رہی ہے۔ شام کے وقت شہر کے سبھی چھوٹے بڑے ڈاکٹر ووٹ ڈالنے کےلئے کالج احاطے کی قطار میں کھڑے ہوئے تھے ۔ اسی وقت موسلا دھار بارش شروع ہو جانے سے سبھی ووٹر ادھر ادھر بھاگتے نظرآے۔ ووٹنگ کے مطابق صدر عہدے کے لئے ڈاکٹر آر سی گپتا کی جیت ممکن دکھ رہی ہے۔ فی الحال سات بجے تک ووٹوں کی گنتی ہو جانے کے بعد صحیح نتائج آسکیں گے۔