آئی جی زون نے گرین پارک کا کیا معائنہ

کانپور: آئندہ اکتوبر ماہ میں گرین پارک اسٹیڈیم میں ہونے والے ہندوستان اور جنوبی افریقہ کے درمیان ہونے والے میچ کے سلامتی بندوبست کے سلسلہ میں دو شنبہ کو آئی جی زون آشوتوش پانڈے نے دورہ کیا۔ انہوں نے حفاظتی بندوبست کے سلسلہ میں ڈی جی پی سے دیگر اضلاع سے پولیس فورس کا مطالبہ کیا ہے۔ گوشہ گوشہ میں نگرانی کیلئے پولیس اہلکار موجود رہیں گے اس کے علاوہ طلباءگیلری میں خصوصی چوکسی برتی جائے گی تاکہ میچ کے دوران کسی بھی قسم کی بدنظمی نہ ہونے پائے۔ پانچ دن قبل ہی اینٹی سبوٹاز کی ٹیم اسٹیڈیم کو اپنی تحویل میں لے لےگا۔