آتشزدگی میں 91 جھونپڑیاں خاکستر، لڑکا اور کئی مویشی جل کر ہلاک

فرخ آباد، 22 مئی (یو این آئی) اترپردیش میں ضلع فرخ آباد کے امرت پور علاقے میں کل شام گئے ایک گائوں میں آگ لگ گئی جس سے 91 جھونپڑیاں خاکستر ہوگئی۔ ا س حادثہ میں ایک لڑکا اور پانچ مویشی بھی جل جانے سے ہلاک ہوگئے ۔پولیس کے ترجمان نے آج یہاں بتایا کہ گڈری سارگپور گائوں میں رام جیت کے گھر کھانا بناتے وقت چولہے کی چنگاری سے جھونپڑی میں لگی آگ نے بھیانک شکل اختیار کرلی اور آناً فاناً 91 جھونپڑیاں جل کر خاک ہوگئیں۔ اس حادثہ میں رام جیت کے چار سال کے بیٹے سرجیت بند اور پانچ
مویشی جھلس جانے سے ہلاک ہوگئے ۔ آگ سے لاکھوں روپئے کا گھریلو سامان جل کر خاک ہوگیا۔ذرائع کے مطابق فائر بریگیڈ نے رات تقریباً 10 بجے آگ پر قابو پایا۔ آگ سے ہوئے نقصان کا اندازہ لگایا جا رہا ہے ۔ ضلع انتظامیہ کی جانب سے متاثرین کی مدد کی جا رہی ہے ۔