ممبئی: بالی وڈ اداکار رنویر سنگھ نے آج آپریشن ٹیبل سے کچھ ٹویٹ کئے، جس سے اندازہ ہوتا ہے کہ سوشل میڈیا کے حوالے سے بالی وڈ کے ستارے کس قدر دیوانے ہوگئے ہیں۔
رنویر سنگھ نے اپنے آپریشن تھیٹر سے سیلفی پوسٹ کرکےاپنے پرستاروں کو حیرت زدہ کردیا ہے۔
تفصیلات کے مطابق گزشتہ دنوں فلم ’باجی راؤ مستانی ‘کی فلمبندی کے دوران رنویر سنگھ کو چوٹ لگ گئی تھی۔ ممبئی کے ایک ہسپتال میں ان کے بائیں ہاتھ کا آپریشن کیا گیا۔ انہوں نے آپریشن تھیٹر سے ہی لیٹے لیٹے ٹوئیٹ کرنے شروع کر دیے۔
واضح رہے کہ رنویر سنگھ نے ہسپتال سے ایک نہیں بلکہ تین تین ٹوئیٹ کیے ہیں۔ پہلے ٹوئیٹ میں اپنی ایک تصویر شیئر کی اور اس پر لکھا ’’آپریشن تھیٹر سے براہِ راست۔‘‘
اس کے بعد انہوں نے ٹوئیٹ کیا کہ جلد ہی انہیں بے ہوش کردیا جائے گا، اور آخری ٹوئیٹ میں انہوں نے لکھا کہ ان کی گردن پر انجکشن لگادیا گیا ہے اور انہیں گھبراہٹ ہو رہی ہے۔ اس کے بعد رنویر نے کوئی ٹوئیٹ نہیں کیا کیونکہ اس کے بعد رنویر کا آپریشن شروع ہو گیا تھا.
