ابھیشیک بچن نے 41 کروڑ میں نیا فلیٹ خریدا

جونیر بچن یعنی ابھیشیک نے پچھلے دنوں ایک پانچ بیڈ روم کا لکژری فلیٹ خریدا ہے جو اینی بینیٹ روڈ ورلی میں واقع اسکائی لارک ٹاورس کی 37 ویں منزل پر واقع ہے۔ اس فلیٹ کو ابھیشیک نے 41 کروڑ میں خریدا ہے۔ اس فلیٹ کا جملہ رقبہ 3875 اسکوائر فٹ ہے اور اس طرح اس کی فی اسکوائر فٹ قیمت 1.66 لاکھ روپے ہے۔ فلیٹ ایک فیملی روم، ڈائننگ روم، لیونگ رومس، ویٹ اینڈ ڈرائی کچن کے علاوہ اطراف 20 فٹ ٹیرس پر مشتمل ہے۔ واضح ہو کہ امیتابھ بچن کے ممبئی میں پہلے سے دو وسیع و عریض مکانات پرتیکشا اور جلسہ موجود ہیں۔ پرتیکشا میں امیتابھ بچن کے ساتھ جیا بچن رہتی ہیں اور جلسہ میں ابھیشیک، ایشوریہ اور آرادھیا کے ساتھ رہتے ہیں۔