شمال مشرقی ریلوے کے اسٹیشنوںپر لگائی جائیں گی وینڈنگ مشینیں
گورکھپور: ریلوے اسٹیشن پر اب پانچ روپئے ایک لیٹر آر او کا پانی ملے گا ۔ گورکھپور اسٹیشن پر مشین لگ گئی ہے ۔وہیں دوسرے اسٹیشنوں پر بھی مشین لگائے جانے کا کام شروع ہوگیاہے۔
این ای آر کے سی پی آر او سنجے یادو نے بتایاکہ شمال مشرقی ریلوے نے پہلے مرحلے میں اے ۔ ۱ اور بی زمرے کے اسٹیشنوں پر واٹر وینڈنگ مشین لگے گی ۔
عزت نگر منطقہ میں ۱۱ اسٹیشنون پر ۳۵ ، لکھنو¿ منطقہ میں ۱۱اسٹیشنوں پر ۴۶ اور وارانسی منطقہ میں ۱۴ اسٹیشنوں پر ۴۸ واٹروینڈنگ مشین لگائی جائے گی ۔ آئی آر سی ٹی سی میں مشینوں کو لگانے کا کام شروع کرادیا ہے ۔ سی پی آر او نے بتایاکہ مشین لگانے کے لائسنس کی مدت پانچ برس کی ہوگی جسے آئندہ تین برسوں تک کےلئے بڑھایا جاسکے اس سے لوگوں کو پینے کا صاف پانی ملے گا ۔
