اب صحیح کرکٹ کھیل رہا ہوں : رابن اتھپا

دبئی ۔ دہلی ڈیر ڈیولس کے خلاف آئی پی ایل میچ میں اپنی ٹیم کولکاتا نائٹ رائڈرس کے ہارنے سے مایوس تجربہ کار بلے باز رابن اتھپا نے کہا کہ وہ اپنی تکنیکی میں تبدیلی کر صحیح کرکٹ کھیلنے سے کافی خوش ہیں ۔اتھپا نے 41 گیند میں 55 رن بنائے لیکن کولکاتہ نائٹ رائڈرس کی ٹیم کو دہلی سے چار وکٹ سے شکست کا سامنا کرنا پڑا ۔ اتھپا نے آئی پی ایل کی سرکاری ویب سائٹ سے کہا ، میں نے اپنی تکنیکی میں تبدیلی کی ہے اور میں نے اپنے کرکٹ میں کافی بہتر کیا ہے جس سے مجھے صحیح کرکٹ کھیلنے میں مدد ملی ۔انہوں نے کہا کہ میرا خیال ہے کہ صحیح کرکٹ کھیلتے ہوئے آپ کافی رنز بناسکتے ہیں اور تیزی سے رن بناسکتے ہیں ۔ دہلی ڈیر ڈیولس کے خلاف یہ اننگز اسی کا ثبوت ہے ۔اتھپا نے کہا ، یہ اچھی کارکردگی کا مظاہرہ تھا ۔ مجھے لگتا ہے کہ ہم نے پورے میچ کے دوران واقعی اچھی کارکردگی کا مظاہرہ کیا ۔ لیکن 18 ویں اوور میں ہی جے پی ڈومنی نے میچ کا رخ ہی بدل دیا۔ اگرچہ اس میچ سے ہم کافی مثبت چیزیں سیکھ سکتے ہیں ۔