نئی دہلی ۔ (ایجنسی)اگرچہ کٹرینہ کیف اپنی شوخ اور رومانٹک ایکٹنگ کے لئے جانی جاتی ہیں ، لیکن جلد ہی ان کے مداح ان کو نئے کردار میں دیکھیں گے ۔ کٹرینہ کیف ایک فلم میں ایکشن کرتی نظر آئیں گی ۔ فلم ایک تھا ٹائیگر ‘ بنانے والے کبیر خان کی آنے والی فلم فینٹم میں کٹرینہ کیف ایکشن سین کرتی نظر آئیں گی ۔ اس فلم میں کٹرینہ کے ساتھ چھوٹے نواب سیف علی خان لیڈ رول میں دکھائی دیں گے ۔ اس فلم کی شوٹنگ جاری ہے ۔ جس میں کٹرینہ کے ساتھ ایکشن مناظر فلمائے جا رہے ہیں ۔کبیر خان کی فلم فینٹم ممبئی میں ہوئے ۲۶؍۱۱ حملے پر مبنی ہے ۔ غور طلب ہے کہ اس سے پہلے کٹرینہ نے ایک تھا ٹائیگر میں ایکشن سین کیا تھا ۔
