اداکار کے ساتھ افواہوں میں آئے دن کسی نہ کسی لڑکی کا نام جڑتا ہی رہتا ہے۔ یہ افواہیں کیوں اڑتی ہیں اور آخر سلمان ہی ان کا شکار کیوں ہوتے ہیںرپورٹ کے مطابق سینتالیس سالہ رومینٹک ہیرو سلو بھائی کو چاہنے والوں میں آج بھی ایک بڑی تعداد لڑکیوں کی ہے، سلو بھائی سے آدھی عمر کی لڑکیاں بھی ان کے لکس، اسٹائل اور سپر فٹ باڈی کی دیوانی ہیں۔ اخبار نے ماضی میں سلمان خان کے ساتھ جڑنے والے ناموں پر بھی ایک تفصیلی نظر ڈالی ہے، آئیے دیکھتے ہیں کہ کون کون سی حسینائیں سلمان کی دلہنیا بنتے بنتے رہ گئیں۔
سلمان خان اور سومی علی:نوے کی دہائی میں سلمان خان جس زلف کے اسیر ہوئے تھے وہ اداکار اور ماڈل سومی علی تھیں، سومی پانچ سال تک سلمان کی دوست رہیں لیکن دوستی کسی رشتے میں نہ بدل سکی۔
سلمان خان اور سابق ملکہ حسن ایشوریہ رائے:سومی علی کے جانے کے بعد سلمان کی سُونی زندگی میں ہلچل مچا دینے والی انٹری دی ملکہ حسن ایشوریہ رائے نے۔ سلمان، ایشوریہ کی محبت میں جس تیزی سے گرفتار ہوئے اسی تیزی سے ان دونوں کی شادی کے چرچے بھی ہونے لگے۔ لیکن اس لو اسٹوری میں جیت ہوئی ابھیشیک بچن کی جو ایشوریہ کو لے اڑے اور سلمان دیکھتے ہی رہ گئے۔
سلمان خان اور کیوٹ باربی ڈول کترینہ کیف:سلمان کے بارے میں مشہور ہے کہ وہ پارس ہیں جس لڑکی کا ہاتھ پکڑ کر بالی وڈ میں لے آئیں، سمجھیں وہ ہٹ ہوگئی۔ کترینہ کے حسن کا جادو سلمان پر چلا اور ان کی گرل فرینڈ سے کترینہ بن گئیں بولی وڈ کی نمبر ون چوائس۔ دونوں کے سنجیدہ تعلق کے قصے عام ہوئے لیکن یہ تعلق بھی شادی میں بدل نہ پایا۔دو ہزار دس میں بننے والی فلم ویر میں سلمان کی ہیروئن زرین خان کے بارے میں سب کو یقین ہو چلا تھا کہ بس اب تو سلمان کے گھر بینڈ، باجا اور بارات کا اہتمام ہوا ہی ہوا۔
اس یقین کی وجہ یہ بھی تھی کہ زرین خان کی شکل سلمان کی ایکس گرل فرینڈ کترینہ کیف سے بہت ملتی تھی۔ لیکن سلمان کا گھر زرین خان کے ساتھ بھی نہ بس سکا۔
جرمن ماڈل کلاؤڈیا سیسلا :جرمن ماڈل کلاؤڈیا سیسلا کے بارے میں کہا گیا ہے کہ وہ کترینہ کیف اور سلمان خان کے بریک اپ کی وجہ بنیں۔ بعد میں کلاوڈیا نے بھی اعلان کیا کہ سلمان کے ساتھ ان کا ایسا کوئی تعلق تھا ہی نہیں۔
بولی وڈ اداکار ہیزل کیچ:باڈی گارڈ میں کام کرنے والی ہیزل کیچ اور سلمان کو ایک دوسرے سے جوڑا گیا۔ میڈیا میں ایسی خبریں بھی آئیں کہ سلمان نے ہیزل کو اس ریئلٹی شو میں انٹری دلانے کی کوشش بھی کی جسے وہ خود ہوسٹ کر رہے ہیں، لیکن یہ تعلق بھی دیرپا ثابت نہیں ہوا اور نتیجہ یہ نکلا کہ بے چارے سلو بھائی اب تک کنوارے ہیں مگر سب سے زیادہ ڈیمانڈ رکھنے والے۔خیال رہے کہ سلمان خان کے قریبی لوگوں کا کہنا ہے کہ لولیا کے ساتھ تعلق کو ختم کرنے میں ان کے والد سلیم خان نے اہم کردار ادا کیا ہے کیونکہ وہ اس رشتے سے خوش نہیں تھے۔
