پاکستان ڈراموں کے مشہور اداکار محب مرزا اور ان کی اہلیہ آمنہ شیخ کے ہاں رواں ماہ 11 اگست کو بیٹی کی پیدائش ہوئی ہے، تاہم اداکارہ نے اس کا اظہار سماجی رابطے کی ویب سائٹ ٹوئٹر پر پیرکے روز کیا ہے۔ 11 اگست کو پیدا ہونے والی میسا مرزا، پاکستانی اسٹار جوڑے کی پہلی اولاد ہے، جو 10 سال قبل رشتہ ازدواج میں منسلک ہوئے تھے۔
آمنہ نے اپنی بیٹی کی تصویر کے ساتھ اس اسپیشل خبر کو اپنے فینز کے ساتھ اپنے ذاتی فیس بک اکاؤنٹ پر شیئر کیا۔ محب مرزا اور آمنہ شیخ کے ہمراہ ننھی پری کی یہ تصویر واقعی دل کوموہ لینے والی ہے۔ محب مرزا اور آمنہ شیخ نے ایک ساتھ کئی پراجیکٹس کیے، جن میں ڈرامہ “ہم تم” اور “میرا سائیں” شامل ہیں جبکہ دونوں کوان کی فلم “لمحہ” کی وجہ سے بھی یاد کیاجاتا ہے۔
