ممبئی (ایجنسی)دیپکا پاڈوکون نے ان دنوں بالی ووڈکی ہر اداکارہ کو پیچھے کر دیا ہے ۔ اس وقت دیپکا پاڈوکون کا ستارہ بالی ووڈ میں جگمگا رہا ہے ۔ حالانکہ دیپکا کو چیلنج کرنے کے لئے ان کی ہم عصرہیروئنیں بھی کمر کسے ہوئے ہیں ۔ کرینہ کپور ، کٹرینہ کیف اور پرینکا چوپڑا ! یہ سب کسی بھی حالت میں بازی دیپکا کے ہاتھ میں دینا نہیں چاہیں گی ۔لیکن شاید ہی وہ اس سے بچ سکیں ۔ بازی تو ’ باجی راؤ مستانی‘ کے ہاتھ میں جانی ہی ہے ۔ دیپکا کے لئے ` باجی راو مستانی ‘ کے نام کا استعمال اس لئے کیونکہ اسی فلم کو لے کر وہ سرخیوں میں ہیں ۔ دیپکا کی حالیہ کامیابی نے ٹاپ کے تقریبا سارے اداکاروں کو ان کی طرف متوجہ کیا ہے ۔وہ ایک ایسی ہیروئین بن گئی ہیں ، جن کے ساتھ ہر سپر اسٹار کام کرنے کی خواہش ظاہر کر رہا ہے ۔ دپیکا کی کواسٹار ویلیو میں ا ضافے کا اندازہ لگانا ہو تو اس بات سے ہی سمجھ میں آ جاتا ہے کہ شاہ رخ انھیں اپنی تلاش اور اپنی ہیروئین بتانے کا کوئی موقع نہیں چھوڑتے ۔ سنا ہے کہ اب عامر خان بھی دیپکا کے ساتھ ایک فلم کی منصوبہ بندی کر چکے ہیں ۔عامر خان فرحان اختر اور رتیش سدھوانی کے بینر تلے بننے والی ایک فلم میں دیپکا کے ساتھ آنے کی منصوبہ بندی میں ہیں ۔ اس پروجیکٹ کو انتہائی خفیہ رکھا جا رہا ہے ، لیکن بالی ووڈ کے گلیاروں میں اس کا ذکر زور شور سے ہے ۔ وہیں سننے میں آیا تھا کہ فلم ‘ بڑے بھیا ‘ میں دپیکا کو سلمان خان کے ساتھ کاسٹ کرنے کو سورج بڑجاتیہ اور سلمان دونوں ہی خواہش مند تھے ، لیکن دیپکا کے پاس ڈیٹس کی پرابلمس کی وجہ سے بات نہیں بنی ۔اتنا تو پکا ہے کہ جلد ہی اس جوڑی کو ہم اسکرین پر دیکھیں گے ضرور ۔ اجے دیوگن دیپکا کے ساتھ سنجے لیلا بھنسالی کی ` بازی راو ٔمستانی ‘ نامی فلم میں آ رہے ہیں ۔ دیپکا ینگ سپر اسٹار رنبیر کپور کے ساتھ امتیاز علی کی ` ونڈو سیٹ نامی فلم میں بھی بزی ہیں ۔ وہیں شاہ رخ خان کے ساتھ ان کی فلم ‘ ہیپی نیو ایئر ‘ آنے کو ہے ۔خود دیپکا بھی اپنے کو – اسٹارس کی وش لسٹ بتا چکی ہیں ۔ ان کا کہنا ہے کہ وہ جلد سے جلد ٹاپ خانس کے علاوہ اکشے اور اجے دیوگن جیسے سپراسٹارس کے ساتھ فلم کرنا چاہتی ہیں ۔ فلمسازکرن جوہر کا کہنا ہے کہ دیپکا جس سمجھداری سے فلمیں منتخب کر رہی ہیں ، وہ ابھی بہت آگے جائیں گی ۔
