سابق پاکستانی اداکارہ اور ماڈل وینا ملک اور اسد بشیر خٹک کے گھر میں بیٹی کی پیدائش ہوئی ہے۔وینا ملک امریکا کے ورجینیا ہسپتال میں داخل ہیں جہاں انہیں قدرت نے بیٹی کی پیدائش پر وینا کی خوشی دیدنی ہے۔ انہوں نے ٹوئیٹر پر اپنے مداحوں کو نہ صرف اس خبر سے آگاہ کیا بلکہ بیٹی کی تصویر بھی اپ لوڈ کی۔
وینا کے مطابق انہوں نے اپنی بیٹی کا نام امل اسد خٹک رکھا ہے۔گزشتہ سال وینا اور اسد کے ہاں بیٹے کی پیدائش بھی اسی ہسپتال میں ہوئی تھی جس کا نام انہوں نے ابرام خان خٹک رکھا تھا۔وینا ملک اور اسد خٹک کی شادی دسمبر 2013 میں دبئی میں ہوئی تھی۔اداکار نے اپنے کریئر کا آغاز سنہ 2000 میں کیا تھا اور اس کے بعد متعدد پاکستانی فلموں اور ٹی وی پروگرامز میں نظر آئیں۔ہندوستان منتقل ہونے کے بعد وینا نے کئی کامیاب فلموں جیسے دال میں کچھ کالا، زندگی 50-50 اور سپر ماڈل وغیرہ میں بھی کام کیا۔اس کے علاوہ وینا نے انڈین ریئلٹی ٹی وی شو بگ باس میں بھی شرکت کی تاہم بعد ازاں انہوں نے شوبز کی دنیا کو چھوڑ دیا تھا۔
