نئی دلی: بالی ووڈ کے 2 بڑے سپر اسٹارز خانز سلمان اور عامر کی دوستی سے تو سب ہی بخوبی واقف ہیں اور اس بار بھی دونوں نے اپنے مصروف شیڈول کے باوجود نئی دلی کے ہوٹل میں کئی گھنٹے ایک ساتھ گزارے۔بھارتی میڈیا رپورٹس کے مطابق سلمان خان اور عامر خان اپنے مصروف فلمی شیڈول کی وجہ سے کافی عرصے سے ایک دوسرے سے ملاقات نہیں کر پا رہے تھے لیکن اتفاق سے اس بار دونوں اداکار اپنی شوبز مصروفیات کے باعث دارالحکومت نئی دلی میں موجود تھے تو دونوں نے اس موقع کا فائدہ اٹھاتے ہوئے ملنے کا پروگرام بنایا اوردونوں نے ایک مقامی ہوٹل میں کئی گھنٹے ایک دوسرے کے ساتھ گزارے۔واضح رہے کہ دبنگ خان گزشتہ برس مسٹر پرفیکٹ کی ریلیز ہونے والی فلم’’دھوم ‘‘’ کی اپنے پروگرام بگ باس میں تشہیر کرتے نظر آئے جب کہ عامر خان نے بھی دوستی کا ثبوت دیتے ہوئے سلمان خان کی فلم’’جے ہو‘‘ کی تشہیر کی۔سلمان خان کا سہارا پا کر بالی وڈ میں آگے بڑھنے کی کئی مثالیں موجود ہیں ۔ ان میں قطرینہ کیف سب سے عمدہ مثال ہیں ۔ اسی لئے کہا جاتا ہے کہ فلمی دنیا میں جسے سلمان خان کا سہارا مل جاتا ہے اس کی قسمت چمک جاتی ہے ۔ یہی وجہ ہے کہ چاہے وہ ہیرو ہو یا ہیروئن سلمان خان کے ساتھ کام کرنے کی تمنا اپنے دل میں رکھتے ہیں ۔ یہی نہیں سلمان نے ڈوبتے اداکاروں کے کیریئر کو بھی پرواز دی ہے کبھی اپنی فلموں میں ایک موقع دے کر تو کبھی کسی اور کی فلم میں موقع دلوا کر ۔ ویسے تو اس معاملے میں ہیروئنوں کی تعداد زیادہ ہے ۔ زرین خان ، ڈیزی شاہ اور ثناء خان اسی کڑی میں آتی ہیں ۔ لیکن جہاں تک ایکٹر کا معاملہ ہے ’فقرے‘ کے پلکت سمراٹ اور بگ باس -۷ کے اعجاز خان کا نام آتا ہے ۔ پلکت سمراٹ کے لئے ’ او تیری‘ کے لئے سلمان محنت کرتے نظر آ رہے ہیں اور اعجاز خان کو انہوں نے ’کک ‘ میں رول دیا ہے ۔ اب ان کی نظر کرم ارمان کوہلی پر ہے ۔ بگ باس -۷ کے وقت سے ہی ناظرین کو یہ لگنے لگا تھا کہ سلمان خان ارمان کوہلی کے لئے نرم نظریہ رکھتے ہیں ۔ سلمان نے حال ہی میں ارمان کوہلی کو اپنی تازہ ترین سائن کی فلم ’ بڑے بھیا‘ میں اپنے بھائی کا رول دیا ہے ۔ فلم سورج بڑجاتیا خاص طور پر سلمان خان کے لئے ڈائرکٹ کر رہے ہیں ۔ اس فلم کی کہانی تین بھائیوں کے ارد گرد گھومتی ہے ۔ سلمان سب سے بڑے بھائی کے رول میں ہیں جبکہ چھوٹے بھائیوں کے رول میں نیل نتن مکیش اور ارمان کوہلی نظر آئیں گے ۔ سننے میں یہ بھی آ رہا ہے کہ اس سال سلمان خان چھ نئے چہروں کو ری لانچ کرنے والے ہیں ۔ فلم’ لکی‘ کی سنیہا الال کا نام بھی اس میں شامل ہے ۔
