ارجن کپورنے کی فلم ’تیور‘کی ستائش

ممبئی۔بالی وڈ اداکار ارجن کپور نے کہا ہے کہ فلم ’’تیور‘‘ میں اچھی فلم کی تمام خصوصیات موجود ہیں۔ارجن کپور جو ان دنوں ’’تیور‘‘ کی عکسبندی میں مشغول ہیں نے اپنے حالیہ انٹرویو میں کہا کہ فلم ’’تیور‘‘ ان کے کیریئر کی اہم ترین فلم ہے۔اس فلم میں اچھی فلم کی تمام خصوصیات موجود ہیں،اس میں حقیقی احساسات و جذبات موجود ہیں اور یہ دل سے بنائی گئی فلم ہے۔ فلم میں سفر ہے، کردار اورکہانی ہے جو مداحوں کے دل کو بھائے گی اور مقبولیت حاصل کرے گی۔ فلم کی ہدایات امیت شرما نے دی ہیں۔ فلم کے پروڈیوسر سنجے کپور اور بونی کپور ہیں،دیگراہم کاسٹ میں سوناکشی سنہا اور منوج باجپائی شامل ہیں۔ فلم ۹ جنوری کو سینما گھروں کی زینت بنے گی۔