اردو اکادمی کمپیوٹر سینٹر میں داخلے شروع

لکھنؤ۔ اترپردیش اردو اکادمی میں ایک سالہ کمپیوٹر ایپلی کیشن بزنس اکانٹینگ اینڈ ملٹی لنگول (ڈی ٹی پی) کے ڈپلوما کورس میںداخلے شروع ہو گئے ہیں۔ حکومت ہند کے وزارت اطلاعات سے منظور اس کورس میں داخلہ کیلئے اکادمی کے دفتر واقع وبھوتی کھنڈ سے ۱۰؍دسمبر شام چار بجے تک فارم حاصل کئے جا سکتے ہیں۔ انٹر ویو کے وقت اصل اسناد لانا لازمی ہے۔ داخلہ کیلئے امیدوار کی عمر ۳۵ برس سے متجاوز نہ ہو ۔جو طلباء اردو سے ناواقف ہوں گے ان کو کمپیوٹر کے ساتھ ہی اردو کی تعلیم بھی دی جائے گی۔ اہلیت کیلئے ہائی اسکول یا اس کے مساوی امتحان کا پاس ہونا لازمی ہے۔