سالگرہ پر خصوصی پشکش
ممبئی (وارتا)بالی ووڈ میں ارملا ماتونڈکر کو ایک ایسی اداکارہ کے طورپر شمار کیا جاتا ہے جنھوں نے اپنی پرکشش اوربولڈاداکارہ سے ناظرین کے درمیان اپنی شناخت قائم کی ہے۔ ۴فروری ۱۹۷۴کو ممبئی میںپیدا ہونے والی ارملا نے اپنے کیریئر کی شروعات ۱۹۸۱ میںآئی فلم کل یگ سے بطوراطفال اداکارکی۔ اس کے بعد انھیں شیکھر کپور کی ۱۹۸۳میں آئی فلم معصوم میں کام کرنے کا موقع ملا ۔ اس فلم میں ان پر فلمایا گانا لکڑی کی کاٹھی، کاٹھی پے گھوڑابچوںکے درمیان آج بھی مقبول ہے اس درمیان ارملا نے چھوٹے پردے کیلئے کچھ سیریلوںمیںبھی کام کیا۔ ۱۹۸۹میں ارملا ماتونڈکر کو کمل ہاسن کے ساتھ ملیالم فلم چانڑکیہ میں کام کرنے کا موقع ملا ۔ ۱۹۹۱ میں آئی فلم نرسمہا میں اپنے شوخ انداز سے انھوں نے ناظرین کا دل جیت لیا۔ ۱۹۹۵میںآئی فلم رنگیلا ارملاماتونڈکر کے کیریئر کے لئے اہم فلم ثابت ہوئی۔ رام گوپال ورما کی ہدایت میںبنی اس فلم میں انھوں نے ایک ڈانسرکا کرداراداکیا تھا۔ اس فلم میں ارملا کے اپوزٹ عامر خان تھے۔ارملا نے اس فلم میں بولڈ مناظردے کر ناظرین کو حیران کردیا۔ اس فلم کیلئے وہ بہترین اداکارہ کے فلم فیئر انعام کیلئے نامزد کی گئیں۔ رنگیلا کی کامیابی کے بعد ارملا ماتونڈکر نے رام گوپال ورما کی کئی فلموںمیں کام کیا ان میں دوڑ ، ستیہ ، کون، مست ، بھوت ، پیا رتونے کیا کیا ، جنگل ، ایک حسینہ تھی وغیرہ شامل ہے۔ اس کے علاوہ انھوں نے رام گوپال ورما کی فلم کمپنی اورآگ میں آئٹم نمبر بھی کیا ہے۔ ۱۹۹۷ میں آئی فلم جدائی ارملا کے کیریئر کی ایک اورسپرہٹ فلم ثابت ہوئی ۔ انل کپور اورشری دیوی نے بھی اہم کرداراداکیا تھا۔ فلم میں ارملا کا کردارکچھ حد تک کرے شیڈس لئے ہوئے تھا۔ اس کے باوجود انھوں نے ناظرین کا دل جیت لیا اس فلم کیلئے انھیں بہترین معاون اداکارہ فلم فیئر ا نعام کیلئے نامزد کیا گیا۔ ۱۹۹۹ میں آئی فلم کون اور۲۰۰۱ میں آئی فلم پیار تونے کیا کیا ؟میں ارملا کاکردار پوری طرح سے منفی تھا۔ پیارتونے کیا کیا کیلئے وہ بہترین ولن کے فلم فیئر ایوارڈ کیلئے نامزد کی گئیں۔ ۲۰۰۳ میںآئی فلم بھو ت میں اپنی بہترین اداکاری کیلئے انھیں فلم فیئر کی جانب سے بہترین اداکارہ کاکریٹکس انعام دیا گیا ۔ ۲۰۰۸ میںآئی فلم قرض میں ارملا نے ایک بار پھر منفی کرداراداکیا ۔اس فلم میں ان کا کردار ۸۰کی دہائی میں بنی فلم قرض میں سمی گریوال کے اداکئے کردار سے متاثر تھا۔ ارملا ماتونڈکر نے ہند ی فلموںکے علاوہ تمل، تیلگو اور ملیالم فلموںمیں کام کیا ہے۔ ارملا ان دنوں مراٹھی فلم عجوبہ میں کام کررہی ہیں۔
