اسرائیلی جیلوں میں نظر بند 100سے زائد فلسطینیوں کی بھوک ہڑتال چوتھے روز میں داخل

مقبوضہ بیت المقدس۔ 04مئی (یو این این) اسرائیلی جیلوں میں بغیر کسی مقدمہ کے نظر بند 100سے زائد فلسطینیوں کی بھوک ہڑتال چوتھے روز میں داخل ہوگئی ۔ فلسطینی قیدیوں کی تنظیم پی پی ایس کے مطابق مختلف اسرائیلی جیلوں میں قید فلسطینیوں نے گزشتہ4روز سے بھوک ہڑتال شروع کی ہے اور اس دوران کئی قیدیوں کی حالت نازک ہو چکی ہے ۔ فلسطینی قیدی بغیر کسی مقدمے کی نظر بندی اور جیل میں ناگفتہ بہ صورتحال کے خلاف احتجاج کر رہے ہیں۔ یہ قیدی تین مختلف جیلوں میں قید ہیں۔ فلسطینی حکومت کے ذرائع کے مطابق اسرائیلی جیلوں میں اس وقت 5ہزار سیزائد فلسطینی قید ہیں جنہیں انتظامی حراست کے قانون کے تحت رکھا گیا ہے ۔