اسسٹنٹ منیجر رشوت لیتے ہوئے گرفتار

دیوریا(بھاشا)دیوریا ضلع کے بھٹنی تھانہ علاقہ میں کل ایس بی آئی کی ٹیم نے سینٹرل بینک کی بھٹنی شاخ کے اسسٹنٹ منیجر کو ۱۵ہزار روپئے رشوت لیتے ہوئے رنگے ہاتھ گرفتار کر لیا۔ سی بی آئی ٹیم کے انچارج آر کے تیورای نے بتایا کہ کل سینٹرل بینک کی بھٹنی شاخ میں اسسٹنٹ منیجر نریندر کمار کو دوا کاروباری پرمود کمار برنوال سے قرض منظور کرانے کے عوض میں ۱۵ہزار روپئے رشوت لیتے ہوئے گرفتار کر لیا انہوں نے بتایا کہ پرمود نے سی بی آئی کے لکھنؤ واقع دفتر میں شکایت کی تھی کہ نریندر کمار نے اس سے سات لاکھ روپئے کا لون منظور کرانے کے عوض میں رشوت کا مطالبہ کیا تھا۔ پولیس کے مطابق سی بی آئی کی تحریرپر اسسٹنٹ شاخ منیجر کے خلاف مقدمہ درج کیا جا رہا ہے۔