اسٹار کرکٹر رینا کی شادی د ہلی میں ہوگی

نئی دہلی، 02 اپریل (یو این آئی) ٹیم انڈیا کے کرکٹ اسٹار سریش رینا کی بدھ کو اتر پردیش کے غازی آباد میں منگنی ہونے کے بعد ان کی شادی کی تیاریاں شروع ہو گئی ہیں۔رینا کی منگنی ان کی ماں کی دوست کی لڑکی پرینکا سے بدھ کو ایک سادہ تقریب میں ہوئی۔ پرینکا ہالینڈ کے ایک بینک میں افسر کے طور پر کام کرتی ہیں۔ میڈیا میں آ رہی رپورٹ کے مطابق، رینا کی شادی آئندہ جمعہ کو دہلی کے لیلا محل ہوٹل میں ہوگی۔مڈل آرڈر کے اس بلے باز کی شادی کی خبریں عالمی کپ ٹورنامنٹ کے دوران ہی آنی شروع ہو گئیں تھیں۔ عالمی کپ کے سیمی فائنل میں شکست کے بع
د 28 سالہ رینا گزشتہ ہفتے ہی اپنی ٹیم کے ساتھ آسٹریلیا سے واپس آئے ہیں۔ اگرچہ رینا اس وقت بھی کافی مصروف نظر آ رہے ہیں کیونکہ آئی پی ایل کی ٹیم چنئی سپرکنگس کی جانب سے کھیلنے والے رینا آئی پی ایل -8 میں بھی کھیلیں گے جس کا پہلا مقابلہ نو اپریل کو ھونا ہے ۔قیاس لگائے جا رہے ہیں کہ دہلی میں ہونے والی رینا کی شادی میں سیاست اور کرکٹ چیدہ شخصیات شرکت کر سکتی ہیں۔