ممبئی( وارتا) ملک میں رعایتی کرایہ والی شہر ی ہوابازی خدمات فراہم کرانے کی دوڑ کے درمیان اسپائس جیٹ نے گھریلو پر وازوں کے مسافر کرایہ میں ۷۵ فیصد تک کی رعایت دینے کا بھی اعلان کیاہے ۔اسپائس جیٹ کی ویب سائٹ میں دی گئی اطلاع کے مطابق رعایتی کرایہ کی یہ سہولت یکم اپریل سے ۳۰ جون کے درمیان سفر کرنے والوں کو حاصل ہوگی ۔کمپنی نے کہاہے کہ یہ رعایت اصل کرایہ پر ہے اس لئے ٹکٹ پر لگنے والے سبھی اضافی ٹیکس مسافروں کو برداشت کر نا ہونگے ۔حالانکہ کمپنی نے رعایت والے ٹکٹوں کی تعداد کا انکشاف نہیں کیا ہے ۔ایسا سمجھا جا رہاہے کہ اسپائس جیٹ کو دیکھ کر دیگر گھریلو شہر ی ہوا بازی کمپنیاں بھی رعایتی کرایہ کا جلد اعلان کر سکتی ہیں ۔
