الجزائر میں فوجی ہیلی کاپٹر حادثہ کا شکار، 12 ہلاک

الجزائر: الجیریا کے جنوبی حصہ میں آج فوجی ہیلی کاپٹر گر گیا، جس میں کم از کم 12 فوجی ہلاک ہوگئے ۔وزارت دفاع نے ایک بیان میں کہا ہے کہ ہیلی کاپٹر اس وقت حادثہ کا شکار ہوا جب وہ اپنے نگرانی مشن پر تھا۔اس حادثہ میں 12 فوجیوں کی موت ہوگئی جبکہ دو بُری طرح زخمی ہوگئے ۔ ہیلی کاپٹر اڈرا اور ریگن شہر کے درمیان گرا۔ حادثہ کا سبب تکنیکی خرابی بتایا جارہا ہے ۔وزارت کا کہنا ہے کہ فوج حادثہ کی جانچ کے احکام دے دیئے گئے ہیں۔ الجزائر میں اس سے فروری2014 میں بھی فوج کا ایک طیارہ حادثہ کا شکار ہوگیا تھا جس میں 103 ہلاکتیں ہوئی تھیں۔