امریش پوری کا رول کریں گے رنبیر کپور

بالی ووڈ میں اس وقت بایوپک فلموں کا دور چل پڑا ہے تو ایسے میں رنبیر کپور کے پیچھے کیوں رہنا چاہتے ہیں۔ اس لئے وہ اب امریش پوری پر بننے والی فلم میں امریش پوری کا رول کریں گے۔ اگرچہ بالی ووڈ میں امریش پوری نگیٹو رول میں ہی نظر آتے رہے لیکن ’زخمی‘اور ’دل والے دلہنیا لے جائیں گے‘ جیسی بالی ووڈ فلموں میں انہوں نے اپنے کریکٹر رول سے ناظرین کے دلوں میں ایک الگ جگہ بنائی۔ ویسے بھی کریکٹر اور ولین کے طور پر امریش پوری کو ہمیشہ یاد کیا جاتا رہے گا اس لئے ان کی زندگی پر بننے والی فلم میں ان کا کردار ادا کرنے کا خواب رنبیر کپور کے دل میں ہے۔ رنبیر کپور اپنے دادا راج کپور پر بھی ایک فلم بنانا چاہتے ہیں۔ اتنا ہی نہیں وہ بالی ووڈ کے عظیم گلوکار کشور کمار کی زندگی پر بھی فلم بنانے کی تمنا پالے ہوئے ہیں۔ اس فلم کے ڈائریکشن کی باگ ڈور جانے مانے ڈائریکٹر پروڈیوسر انوراگ کشیپ کے ہاتھوں میں ہوگی۔ اس سے پہلے بھی رنبیر کپور انوراگ کشیپ کے ساتھ فلم برفی میں بھی کام کر چکے ہیں۔