امریکی ساحل کے قریب 10 وہیل ہلاک ، متعدد کم گہرے پانی میں پھنس گئیں

فلوریڈا ۔ 5 دسمبر: امریکی ساحل کے قریب 10 وہیل ہلاک اور متعدد کم گہرے پانی میں پھنس گئیں ۔ امریکی سمندری ماحولیات کے ادارے کے مطابق ریاست فلوریڈا میں واقع ایورگلیڈ نیشنل پارک کے ساحل پر کم گہرے پانی میں 50 وہیل پھنس گئیں ۔ پارک کی حکام کے مطابق 10 وہیل ہلاک ہو چکی ہیں جبکہ دیگر 40 وہیل کو گہرے پانیوں میں بھیجنے کی کوشش کی جارہی ہے حکام کے مطابق ساحل کے قریب پانی کی گہرائی صرف تین فٹ کے قریب ہے جس کے باعث وہیل کو گہرے پانی میں دھکیلنے میں شدید مشکلات کا سامنا ہے تاہم دیگر چار ممالک کی امدادی ٹیموں کی خدمات بھی حاصل کرلی گئیں ہیں۔