امریکی شاپنگ مال میں فائرنگ۔ 2 افرادزخمی

لارینس ویلے، جارجیا، 11 فروری (یو این آئی)امریکہ کی ریاست جارجیا کے لارینس ویلے میں کل ایک شاپنگ مال میں فائرنگ میں کم از کم دو افراد زخمی ہوگئے۔لارینس ویلے کے پولیس ترجمان گریگ واگن نے بتایاکہ یہ حادثہ پیر کے روز دوپہر میں کروگر اسٹور پر پیش میں آیا۔ انہوں نے کہا ممکن ہے کہ یہ فائرنگ آپسی لڑائی کی وجہ سے ہوئی ہو۔اس حادثہ کے بعد دونوں افراد کو اسپتال میں داخل کرادیا گیا ۔ فی الحال پولیس نے ان دونوں کی صحت کے بارے میں کوئی اطلاع نہیں دی ہے۔پولیس نے اس سلسلہ میں دو مشتبہ افراد کو گرفتار کیا ہے۔