ممبئی:جنوبی ہند کی فلموں کے سپر اسٹاردھنش کنگ خان شاہ رخ خان کے ساتھ اداکاری کرتے نظر آ سکتے ہیں۔دھنش نے بالی ووڈ میں اپنے کیریئر کا آغاز آنند ایل رائے کی فلم ”رانجھنا” سے کیا تھا۔ اس کے بعدانہوں نے سپر اسٹار امیتابھ بچن کے ساتھ فلم ”ا شمتابھ” میں بھی کام کیا ہے ۔
ایسا خیال ہے کہ وہ آنند کی آئندہ فلم میں شاہ رخ کے ساتھ نظر آسکتے ہیں۔آنند کی فلم میں شاہ رخ بونے کے کردار میں نظر آئیں گے جس کے لئے وہ کافی پرجوش ہیں۔ہندی سنیما میں دھنش کو مقبول بنانے میں آنند کی فلم ”رانجھنا” کا کردار اہم رہا ہے اور وہ آنند کے پسندیدہ فنکاروں میں سے ایک ہیں۔ بتایا جاتا ہے کہ جب انہیں آنند نے اپنی نئی فلم میں ایک کردار ادا کرنے کے لئے کہا تو وہ تیار ہو گئے حالانکہ ابھی تک ان کے کردار کو لے کر زیادہ معلومات نہیں مل سکی ہے ۔کہا جا رہا ہے کہ وہ فلم میں اسپیشل اپیئرنس میں ہو سکتے ہیں جبکہ آنند کی جانب سے فی الحال کوئی باقاعدہ طور پر اعلان نہیں ہوا ہے ۔
