امیرالدولہ اسلامیہ انٹر کالج نے یونٹی کالج میں منعقدہ بیت بازی مقابلہ میں دوسرا مقام حاصل کیا۔ کالج ہذٰا کے پرنسپل ڈاکٹر جمال محمد خاں کی زیرِ صدارت ’’تقریب ِ تہنیت‘‘ پورے جوش و خروش کے ساتھ منائی گئی۔ پرنسپل نے طلباء کی بھرپور ستائش کی۔ ان طلباء کے نگرا ں جناب عبدالباسط خاں نے بتایا کہ اسلامیہ کالج کی دو ٹیمیں مقابلہ میں شریک ہوئیں۔ گرلس سکشن کی ٹیم کی نگراں انجم ارشاد نے ثنا فاطمہ ، شیرین فاطمہ، صدف اور امرین بانو کو مقابلہ کے لئے تیار کیا۔
فاتح طلباء محمد عادل، حافظ عبداﷲ، عبدالرحمٰن اور عبدالرحیم نے کڑے مقابلے میں نہ صرف دوسرا مقام حاصل کیا بلکہ حکم صاحبہ ڈاکٹر صابرہ حبیب کے تعریفی کلمات سے ٹیم سرفراز ہوئی۔
