امیٹھی کے منوج منتشر کو ‘تیری گلیاں ’ کے لئے آئیفا ایوارڈ

لکھنو8 جون (یو این آئی) اترپردیش میں امیٹھی کے نغمہ نگار منوج منتشر کے تحریر کردہ فلم ‘ایک ویلن’ کے نغمہ ‘تیری گلیاں’ کے لئے بین الاقوامی فلم ایوارڈ آئیفا سے نوازا گیا ہے ۔ملائشیا میں کل رات ہوئی آئیفا ایوارڈ کی تقریب میں یہاں منوج منتشر کو بالی ووڈ کوئن سوناکشی سنہا نے یہ ایوارڈ دیا۔اس ایوارڈ کے بعد منو ج کو اب تک ہوئے آٹھ ایوارڈوں میں آئیفا ، اسٹار گلڈ سمیت پانچ ایوارڈ مل چکے ہیں۔منوج منتشر نے یو این آئی سے بات چیت کرتے ہوئے کہاکہ جلد ہی اس جیت کا جشن منانے کے لئے وہ اپنے آبائی
شہر آئیں گے ۔ نغمہ نگار منوج منتشر کا تحریر کردہ یہ گانا ‘تیری گلیاں’ کو ہر شعبہ میں (بیسٹ میوزک، بیسٹ گلوکار (مرد)، بیسٹ گلوکار (خاتون)) میں کئی اہم ایوارڈوں سے نوازا جاچکا ہے ۔اترپردیش کے امیٹھی رہنے والے نوجوان نغمہ نگار منوج منتشر کے فلم ‘ایک ویلن’ کے گانے گلیوں کو ممتاز آئیفا ایوارڈ ملنے کے بعد نہ صرف انہیں مبارکبادوں کا سلسلہ شروع ہو گیا ہے بلکہ اترپردیش کے لوگ بھی فخر محسوس کررہے ہیں اور ان کے آبائی شہر امیٹھی میں خوشی کا عالم ہے ۔اداکاروں سمیت کئی اہم شخصیات نے انہیں ایوارڈ ملنے پر مبارکباد دی ہے ۔