اندرا نگر پولیس نے شاطر گاڑی چور کو کیا گرفتار

لکھنؤ(نامہ نگار)اندرا نگر پولیس نے ایک شاطرگاڑی چور کو گرفتار کرتے ہوئے اس کے قبضے سے چوری کی ایک موٹرسائیکل اور ایک ایکٹیوا گاڑی برآمد کی ہے۔ ایس پی گومتی پار دنیش یادو نے بتایا کہ اندرا نگر پولیس نے گذشتہ شب آر ایل بی اسکول کے گیٹ کے نزدیک سے ایک ایکٹیوا سوار مشتبہ شخص کو پکڑا۔ شک
ہونے پر جب سختی سے پوچھ گچھ کی گئی تو اس نے بتایا کہ مذکورہ ایکٹیوا گاڑی اس نے کچھ عرصہ قبل مہا نگر گول مارکیٹ سے چوری کی تھی۔ اس کے بعد پولیس نے اس کی نشاندہی پر بارہ بنکی سے چوری کی گئی ایک اپاچے موٹرسائیکل بھی برآمد کی۔ پوچھ گچھ میں ملزم نے اپنا نام بارہ بنکی کا رامو ورما بتایا۔ رامو ۲۰۱۳ء میں بھی وبھوتی کھنڈ میںچوری کی ۱۳موٹرسائیکلوں کے ساتھ پکڑا گیا تھا۔ اس نے بتایا کہ وہ ۲۰۰۲ء سے گاڑی چوری کر رہا ہے۔ ہمیشہ جیل سے باہر آنے کے بعد پھر وہ گاڑی چوری کرنے لگتا ہے۔