میر پور ۔خراب کارکردگی کا مظاہرہ کر
رہی ہندوستانی ٹیم کا حوصلہ پہلے پریکٹس میچ میں شکست سے اور بھی گر گیا ہے اس لئے ٹیم کل یہاں انگلینڈ کے خلاف آئی سی سی ورلڈ ٹوئنٹی 20 چمپئن شپ کے دوسرے اور آخری پریکٹس میچ میں جیت کے لئے بے تاب ہو گی ۔ ہندوستان ی ٹیم جمعہ کو پاکستان کے خلاف اپنا پہلا گروپ لیگ میچ کھیلے گی اور ٹیم کے مسلسل خراب کارکردگی کو دیکھتے ہوئے انگلینڈ کے خلاف جیتنا ضروری ہے ۔ ہندوستان کو گزشتہ رات سری لنکا کے خلاف پہلیپریکٹس میچ میں پانچ رن سے شکست کا منہ دیکھنا پڑا ۔ اگرچہ ٹیم نے جارحانہ کارکردگی کا مظاہرہ نہیں دیا لیکن واپسی کرنے والے سریش رینا اور یوراج سنگھ نیبلے سے بہتر کارکردگی دکھائی ۔ اس طرح دونوں نے اپنا دعوی مضبوط کر دیا ۔ یوراج نے 33 جبکہ رئنا نے 41 رن بنائے ، دونوں جمنے کے بعد آؤٹ ہوئے ، جس سے بلے باز اجنکیا رہانے کی دعویداری تھوڑی کمزور ہو گئی ۔ سچترا سینانائیکے کی اچھال لیتی گیند کو رہانے اچھی طرح نہیں پڑھ سکے اور آؤٹ ہو گئے جس کا انہیں نقصان ہی ہوگا ۔ پانچویں ٹی -20 ورلڈ کپ کے پہلے پریکٹس میچ کے آخری اوور میں لستھ ملنگا کی خطرناک گیند بازی کے سامنے اسٹار کھلاڑیوں سے سجی ٹیم انڈیا نے ہدف سے پانچ رن پہلے گھٹنے ٹیک دیے ۔ شکست کی ایک اور وجہ دھونی کے بلے بازی کرنے نہیں اترنا بھی سمجھا جا سکتا ہے ۔ ٹی -20 ورلڈ کپ میں اپنے پہلے میچ میں سری لنکا نے پہلے بلے بازی کرتے ہوئے چھ وکٹ پر 153 رن بنائے ۔ جواب میں ہندوستانی ٹیم 148 رن بنا کر آؤٹ ہو گئی ۔ سریش رینانے سب سے زیادہ 41 رن بنائے جبکہ یوراج سنگھ نے 33 رن بنائے ۔ ہندوستانی کپتان مہندر سنگھ دھونی نے دوسرے بلے بازوں کو موقع دیا اور وہ خود کریز پر نہیں اترے ۔ ہندوستان کو آخری دو اوور میں 26 رن چاہئے تھے ۔ گیند بازی میں بہتر کارکردگی کا مظاہرہ کرنے والے روچندرن اشون نے ایسے میں اپنی بلے بازی کا جلوہ دکھایا ۔ انہوں نے نوان پر چوکا اور چھکا لگایا اور پھر ملنگا کے آخری اوور میں بھی گیند چار رن کے لئے بھیجی ۔ملنگاے حالانکہ اس اوور میں اشون سمیت دو وکٹ چٹکائے ۔ انہوں نے چار اوور میں 30 رن دے کر چار وکٹ حاصل کئے ۔
