اوپن ٹینس ٹورنامنٹ، وینس ولیمز کی 700ویں کامیابی

بیجنگ: چین میں جاری اوپن ٹینس ٹورنامنٹ میں امریکا کی سابق عالمی نمبر ایک وینس ولیمز نے جرمنی کی جولیا جارجیز کو ہرا کر کیرئر کی 700ویں کامیابی حاصل کر لی۔ چین میں ہونے والے اوپن ٹینس ٹورنامنٹ کے میچ میں امریکا کی سٹار ٹینس پلیئر وینس ولیمز کا مقابلہ جرمنی کی جولیا جارجیز کے ساتھ ہوا، وینس ولیمز نے اپنے تجربے اور مہارت کا بھرپور فائدہ اٹھاتے ہوئے حریف کھلاڑی کو جم کر کھیلنے کا موقع نہ دیا، انہوں نے یکطرفہ مقابلے کے بعد نہ صرف جرمن حریف کو چھ چار اور چھ تین سے قابو کیا بلکہ کیرئر میں 700ویں کامیابی حاصل کرنے کا ریکارڈ بھی اپنے نام کیا، وینس ولیمز کیرئر کے دوران 700 یا زائد فتوحات سمیٹنے والی نوویں ٹینس کھلاڑی ہیں۔