آتشبازی کے سامان کی فیکٹری میں آگ بھڑک اٹھنے سے 15 کارکن ہلاک

نئی دہلی ۔ 04 مئی (یو این این) آتشبازی کا سامان تیار کرنے والی ایک فیکٹری میں آتشزدگی کے ایک واقعے میں کم ازکم 15 کارکن ہلاک جبکہ چار دیگر شدید زخمی ہوگئے۔ پولیس کے مطابق یہ سانحہ ریاست مدھیہ پردیش میں اْجین کے شہر کے نواح میں پیش آیا۔ فیکٹری میں آگ اس وقت لگی جب وہاں درجنوں کی تعداد میں کارکن آتشبازی کا سامان بنانے میں مصروف تھے۔ ڈاکٹروں کے مطابق چاروں زخمیوں کے جسم 90 فیصد تک جل چکے ہیں اور ان کی حالت نازک ہے۔