آتشزدگی کے سبب پیپر منٹ کی فصل جل کر راکھ

بارہ بنکی۔(نا مہ نگار)نگر پنچایت کے وارڈ کے ایک پورے ظہیر بستی کے قریب آتشزدگی سے پیپرمنٹ کی فصل مکمل طورسے برباد ہوگئی۔موقع پر پہنچ کر فائر بریگیڈ دستے نے آگ پر قابو پایا۔متاثرہ کسان نے بتا یاکہ پیر کو دلت بستی سے ایک لڑکے کی باراتی کے وقت کھیتوں کے قریب لوگوں نے آتش بازی کامظاہرہ کیاجس کی وجہ سے پتورامیں آتشزدگی نے خطرناک شکل اختیارکرلی اورپیپر منٹ کی فصل کو برباد کردیا۔آگ لگنے کی اطلاع کے بعد فائر بریگیڈ دستے کافی مشقت کے بعد آگ کو قابو میں کیا لیکن فائر بریگیڈ دستے کے پہنچنے سے قبل ہی فصل پوری طورسے برباد ہوچکی تھی۔