جوہانسبرگ ۔آسٹریلوی کرکٹ ٹیم کے اسٹار بلے باز شان مارش جنوبی افریقا پہنچ گئے تاہم انہیں اس بات کا یقین نہیں کہ وہ جنوبی افریقا کیخلاف 12 فروری سے شروع ہونے والی ٹسٹ سیریز کیلئے آسٹریلوی ٹیم کا حصہ ہونگے یا نہیں۔ وہ اتوار کی صبح جنوبی افریقا کے شہر جوہانسبرگ پہنچے ہیں۔ آسٹریلوی کرکٹ ٹیم کے فیزیو الیکس کونتورس نے کہاہے کہ ہمیں امید ہے کہ وہ اپنی انجری سے صحت یاب ہوچکے ہونگے تاہم ابھی انہیں مزید آرام کی ضرورت ہے۔ آسٹریلیا اور جنوبی افریقا کی کرکٹ ٹیموں کے درمیان ٹسٹ سیریز کا پہلا میچ 12 فروری سے شروع ہوگا۔ دونوں ٹیموں کے درمیان ٹسٹ سیریز کا دوسرا میچ 20 سے 24 فروری تک کھیلا جائے گا جبکہ تیسرا اور آخری ٹسٹ میچ یکم سے 5 مارچ تک کھیلا جائے گا۔
