آفریدی کو کپتان بنانے پر کرکٹ شائقین خوش

لاہور۔ شاہد خان آفریدی کو کپتان بنانے پر شائقین کرکٹ میں خوشی کی سی لہر دوڑ گئی ہے، شائقین کرکٹ کا کہنا ہے آفریدی کے اندر قائدانہ صلاحتیں موجود ہیں اور وہ ٹیم کو لے کر کسی بھی چیلنج کو قبول کرنے کی صلاحیت رکھتے ہیں۔ شائقین نے مزید بتایا کہ آفریدی نے 2011کے ورلڈ کپ میں جس طرح پوری قوم کو متحد کر دیا تھا اسی طرح 2016کے ٹی 20 ورلڈ کپ میں بھی پوری قوم کو متحد رکھیں گے اور اپنی ٹیم کی قیادت کو احسن طریقے سے انجام دینگے شائقین کرکٹ کے مطابق گو کہ محمد حفیظ ایک ناقابل شکست اور مشکل صورتحال میں کھیلنے والے کھلاڑی ہیں لیکن وہ آفریدی کی قیادت اچھے بولنگ اور بیٹنگ کرتے ہیں واضح رہے کہ شاہد آفریدی 2016تک ورلڈ ٹی ٹوئنٹی کے کپتان ہونگے۔