ممبئی: کھلاڑی اکشے کمار اور دبنگ گرل سوناکشی ایک بار پھر ساتھ ساتھ’ بالی ووڈ کے صف اول کے اداکار اکشے کمار اور سوناکشی سنہاء کی نئی ایکشن تھرلر فلم ”ہالیڈے” کا پہلا ٹریلر جاری کر دیا گیا ہے۔ رائٹر و ہدایتکار اے آر مرگادوس کی اس فلم میں اکشے اور سوناکشی کیساتھ گووندا’ فریڈی دارووالا اور ذاکر حسین احمد کردار ادا کر رہے ہیں۔ وپل شاہ کی پروڈیوس کردہ یہ فلم 2012 کی تامل بلاک بسٹر فلم ”تھپاکی” کا ریمیک ہے جس کا میوزک مرگادوس نے خود معروف موسیقار پریتم کیساتھ مل کر ترتیب دیا ہے۔ ایکشن و تھرل سے بھر پور یہ فلم ”ہالیڈے” رواں سال 6 جون کو سینما گھروں کی زینت بنے گی۔
