ایئر چیف مارشل اروپ راہا نے فضائیہ کی کمان سنبھالی

نئی دہلی۔ 31 دسمبر (یو این آئی) ایئر چیف مارشل ارون راہا نے 24 ویں سربراہ کے طورپر آج فضائیہ کی کمان سنبھال لی۔وہ ایئر چیف مارشل این اے کے براؤن کی جگہ فضائیہ کے سربراہ بنائے گئے ہیں جو آج سبکدوش ہورہے ہیں۔ لڑاکا طیاروں سے 3400 گھنٹے کی پرواز کا تجربہ رکھنے والے ایئر چیف مارشل راہا اب تک فضائیہ کے نائب سربراہ تھے۔فضا ئیہ کی کمان سنبھالتے ہوئے ایئر چیف مارشل راہا نے کہاکہ فضائیہ ملک کے دہشت گردی سے متاثر علاقوں میں سیکورٹی فورسز کو اپنا سمبل اور اپنی حمایت دینے کے عہد کی پابند ہے۔