ایس بی آئی کے منافع میں گراوٹ ، سود کی آمدنی میں اضافہ

نئی دہلی(وارتا)اسٹیٹ بینک آف انڈیا کے ختم ہوئے مالی سال کی آخری سہ ماہی میں منافع پہلے کی اسی مدت کے ۳۲۹۹ کروڑ روپئے کے مقابلے میں ۸ء ۷ فیصد گر کر ۳۰۴۱کروڑ روپئے رہ گیا ۔ بینک کے آج اعلان کئے گئے نتائج میں ۱۴۔ ۲۰۱۳کے لئے تیس روپئے فی شیئر منافع کا اعلان کیا گیا ہے ۔ اعداد و شمار کے مطابق جنوری ۔ مارچ ۲۰۱۴ کی سہ ماہی میں سود سے ہونے والی آمدنی ۵ء ۱۶ فیصد بڑھ کر ۱۲۹۰۳کروڑ روپئے پر پہنچ گئے ۔ پہلے اسی مدت میں یہ ۱۱۰۷۸کروڑ روپئے تھی ۔ سہ ماہی بنیا د پر بینک کی کل این پی اے ۷۳ء ۵ فیصد سے کم ہوکر ۹۵ء۴فیصد رہ گئی۔ چوتھی سہ ماہی میں این پی اے ۲۴ء ۳ فیصد سے گر کر ۵۷ء ۲ فیصد رہا ۔ رقم میں این پی اے ۳۷۱۶۷کروڑ روپئے سے گرکر ۳۱۰۹۶کروڑ روپئے اور کل ۶۷۷۹۹ کروڑ روپئے سے کم ہوکر ۶۱۶۰۵کروڑ روپئے رہ گیا ۔ ختم ہوئے مالی سال میں بینک کا منافع ۲۳ فیصد گر کر پہلے کے ۱۴۱۰۵ کروڑ روپئے سے ۱۰۸۹۱کروڑ روپئے رہا ۔