آکلینڈ : تیز گیند باز ایشانت شرما نے نیوزی لینڈ کے خلاف پہلے ٹسٹ کرکٹ میچ میں سلامی بلے باز ہامش سدرفورڈ کو آؤٹ کر کے ٹسٹ کرکٹ میں 150 وکٹ پورے کئے ۔ اس مقام پر پہنچنے والے وہ 12 ویں ہندوستانی گیند باز ہیں ۔ ایشانت نے 54 ویں ٹسٹ میچ میں یہ کامیابی حاصل کی ۔ ظہیر خان کے بعد وہ ہندوستان کے سب سے زیادہ تجربہ کار فاسٹ بولر ہیں ۔ کپل دیو ، جواگل سری ناتھ اور ظہیر کے بعد ایشانت چوتھے ہندوستانی تیز گیند باز ہیں جنہوں نے ٹسٹ کرکٹ میں 150 سے زیادہ وکٹ لئے ہیں ۔
