ایشیائی کھیلوں کے تئیں آئی سی سی کے مکمل اراکین کی بے رخی

  ممبئی۔انٹرنیشنل کرکٹ کونسل (آئی سی سی) کے ایشیا کے مکمل ارکان نے انچیون میں ہونے والے آئندہ ایشیائی کھیلوں کے تئیں بے رخی دکھائی ہے۔ ہندوستان نے ان کھیلوں کیلئے اپنی کوئی ٹیم نہیں بھیجی ہے جبکہ پا
کستان نے صرف خواتین ٹیم کو بھیجنے کا فیصلہ کیا ہے۔ کھیلوں کے فیس بک پیج کے مطابق آئندہ 2014 ایشیائی کھیلوںکیلئے بنگلہ دیش اور سری لنکا مرد اور خاتون دونوں کرکٹ ٹیمیں بھیجیں گے۔اس میں کہا گیا ہے جہاں تک پاکستان کا سوال ہے تو وہ صرف خواتین کرکٹ ٹیم بھیج رہے ہیں۔ہندوستانی کرکٹ بورڈ( بی سی سی آئی) پہلے ہی کہہ چکا ہے کہ وہ جنوبی کوریا میں ہونے والے ایشیائی کھیلوں کیلئے کوئی ٹیم نہیں بھیجے گا۔ہندوستان نے چار سال پہلے چین کے گوانگجھو میں ہوئے ایشیائی کھیلوں میں بھی اپنی کوئی ٹیم نہیں بھیجی تھی جہاں کرکٹ نے قدم رکھا تھا۔ گوانگجھو ایشیائی کھیلوں میں بنگلہ دیش کی مردوں جبکہ پاکستان کی خواتین ٹیم نے طلائی تمغہ جیتا تھا۔ ایشیائی کھیلوں کے دوران کرکٹ کے مقابلے 20 ستمبر سے تین اکتوبر تک ہویں گے۔ بی سی سی آئی کے سیکرٹری سنجے پٹیل نے کہا کہ مرد ٹیم کا پروگرام اتنا مصروف ہے کہ وہ اس ٹورنامنٹ میں حصہ لے ہی نہیں سکتی۔انہوں نے کہا پروگرام کافی مصروف ہے۔کھیل کے دوران چمپئنس لیگ ہوگی ہے اور ایشیائی کھیلوں میں ٹیم بھیجنے کیلئے کام کمیٹی سے منظوری نہیں لی گئی ہے۔ایشیائی کرکٹ کونسل کے مطابق خاتون طبقے میں جنوبی کوریا، بنگلہ دیش، چین، ہانگ کانگ، جاپان، ملیشیا، نیپال، پاکستان، سری لنکا اور تھائی لینڈ کی ٹیمیں حصہ لے گی جبکہ مرد طبقے میں جنوبی کوریا، افغانستان، بنگلہ دیش، چین، ہانگ کانگ، کویت، ملیشیا ، مالدیپ، نیپال اور سری لنکا کی ٹیمیں شرکت کریں گی۔وہیں دوسری جانب آئی سی سی کے عدالتی کمشنر گورڈن لیوس کے انگلینڈ کے فاسٹ بولر جیمز اینڈرسن کو ٹرینٹ برج ٹیسٹ میچ کے دوران روندر جڈیجہ کو دھکا دینے کے الزام میں معصوم ٹھہرانے کے بعد بیک فٹ پر آئے بی سی سی آئی نے اب تک اپنی مستقبل کی کارروائی پر فیصلہ نہیں کیا۔ بی سی سی آئی کے سیکرٹری سنجے پٹیل نے آج پریٹر سے کہاہمیں آج یا کل میں عدالتی کمشنر کے حکم کی تفصیلی کاپی ملنے کی امید ہے۔ حکم کی کاپی ملنے کے بعد ہی ہم اس سلسلے میں کوئی فیصلہ کر پائیں گے۔ انہوں نے کہا مستقبل کی کارروائی پر فیصلہ کرنے سے قبل وسیع طریقہ اندازہ کرنا ضروری ہے۔ہماری قانونی ٹیم رپورٹ کو پڑھیگی اور ہمیں جواب دے گی۔اس طرح کے معاملات میں حقیقت کا تفصیلی مطالعہ کرنے کی ضرورت پڑتی ہے اور اس میں کچھ وقت لگے گا۔
اس لئے یہ نتیجہ نکالنا جلدی ہوگی کہ ہم اپیل کریں گے یا نہیں۔ بی سی سی آئی کے سیکرٹری نے ایک سوال کے جواب میں اس طرح کے اشارے دیئے کہ بورڈ شاید اس تنازعہ کو ختم کرنا چاہتا ہے کیونکہ اس طرح کا امکان نہیں ہے کہ اینڈرسن کے خلاف کوئی پختہ ثبوت مل پائیں۔ پٹیل نے کہا کہ حکم کی کاپی پر غور کرنے سے پہلے یہ کہنا مناسب نہیں ہوگا کہ کچھ نامناسب ہوا ہے۔ تحریری فی کاپی کا انتظار کیجئے۔ قابل اعتماد ذرائع کے مطابق صرف آئی سی سی کے سی ای او ڈیو رچرڈسن کو ہی اپیل کرنے کا حق ہے لیکن انہیں آئی سی سی کے نومنتخب صدر این شری نواسن کی منظوری کی ضرورت پڑے گی۔ یہ دیکھنا دلچسپ ہوگا کہ رچرڈسن کو اس سلسلے میں بی سی سی آئی کے سابق صدر کی منظوری ملتی ہے یا نہیں۔