نئی دہلی: بڑی اسکرین والے ٹی وی کی بڑھتی مانگ کے درمیان کوریائی کمپنی ایل جی نے آج ۴کے او ایل ای ڈی ٹی وی کے دو ماڈل پیش کئے۔ کمپنی کے نئے ۴کے او ایل ای ڈی ٹی وی (۶۵انچ)کی قیمت ۷۹ئ۵ لاکھ روپئے ہے جب کہ ۵۵انچ اسکرین ماڈل کی قیمت ۸۴ئ۳ لاکھ روپئے رکھی گئی ہے۔ ایل جی انڈیا کے ڈائرکٹر (ہوم انٹر ٹینمنٹ) ہووارڈ لی نے صحافیوں کو بتایا کہ اس سال ہمیں دنیا بھر میں ۱۰ لاکھ سے زیادہ اکائی فروخت ہونے کی امید ہے جب کہ ہندوستان میں مانگ اب بھی بہت معمولی ہے ہمیں ملک میں او ایل ای ڈی ٹی وی کی مانگ میں تیزی آنے کی امید ہے۔
اس وقت ہندوستان میں ایل جی کی کل ٹی وی فروخت میں ۴۰ انچ سے زیادہ بڑے پینل کا حصہ ۵۹۔۴۰ فیصدہے ایک سوال کے جواب میں لی نے کہاہے کہ کمپنی چھوٹی اسکرین والے او ایل ای ڈی ٹی وی لا سکتی ہے لیکن اس سلسلے میں ابھی کوئی فیصلہ نہیں کیا گیا ہے ۔
