برطانوی ماڈل اور اداکارہ ایمی جیکسن کا کہنا ہے کہ ان کی بولی وڈ کی سب سے پسندیدہ اداکارہ کوئی اور نہیں بلکہ خوبصورت دپیکا پڈوکون ہیں۔
انڈین میڈیا کو ایک انٹرویو دیتے ہوئے ایمی جیکسن نے اپنی بولی وڈ فلم ’سنگھ از بلنگ‘ کے حوالے سے بات کی۔
ان کا کہنا تھا کہ اکشے کمار کے ساتھ اس فلم میں کام کرکے انہیں کافی کچھ سیکھنے کو ملا۔
بولی وڈ کی خوبصورت اداکاراوں دپیکا پڈوکون، کترینہ کیف، پریانکا چوپڑا اور عالیہ بھٹ میں سے کسی ایک پر اپنی پسندیدگی کے بارے میں پوچھا تو ایمی کا کہنا تھا کہ دپیکا پڈوکون ان کی بولی وڈ کی سب سے پسندیدہ اداکارہ ہیں کیوں کہ وہ نہایت خوبصورت ہیں۔
اپنی صحت کے حوالے سے ایمی کا کہنا تھا کہ وہ خود کو فٹ رکھنے کے لیے ہر وقت ورزش کرتی ہیں۔
ان کا کہنا تھا کہ انہیں گھڑ سواری، اور جم جانا بے حد پسند ہے۔
ایمی جیکسن اس وقت فلم سنگھ از بلنگ کی پروموشنز میں مصروف ہیں جس میں ان کے ہمراہ اکشے کمار اور لارا دتا نے اہم کردار ادا کیا ہے۔
فلم ’سنگھ از بلنگ‘ 2 اکتوبر کو ریلیز کی جائے گی۔
