ممبئی۔بالی ووڈ اداکارہ انوشکا شرما اپنی نئی فلم “این ایچ 10” میں پہلی بار ایکشن میں نظر آئے گیں۔ جس کے ٹریلر کے بعد پہلے گانے کی مکمل ویڈیو بھی ریلیز کر دی گئی ہے، “چھل گئے نیناں” کے بولوں پر مبنی اس گانے کو گلوکارہ کانیکا کپور کی آواز میں ریکارڈ کیا گیا ہے جس کی ویڈیو میں انوشکا ہاتھ میں مائیک تھامے گانا گاتی نظر آرہی ہیں۔ انوشکا شرما اس فلم میں ناصرف مرکزی کردار ادا کر رہی ہیں بلکہ وہ اس فلم کی پروڈیوسر بھی ہیں۔ نودیپ سنگھ کی ہدایات میں بننے والی اس فلم کی کہانی ایک نو جوان جوڑے کے گرد گھوم رہی ہے جو ایک روڈ ٹرپ پر نکلتے
ہیں کہ راستے میں ان کا سامنا جرائم پیشہ افراد سے ہو جاتا ہے جو ایک نوجوان لڑکی کو اغواء کررہے ہو تے ہیں۔ یہ جوڑا اس گروہ کو اغوا کے اقدام سے روکنے کی کو شش کرتا ہے لیکن بدلے میں وہ خود ہی مشکل میں پھنس جاتے ہیں۔ اس فلم میں انوشکا شرما ہاتھ میں ڈنڈا پکڑے نا صرف ایکشن گرل کا روپ دھارے ہوئی ہیں، بلکہ جرائم پیشہ افراد سے بچاؤ کیلئے مار دھاڑ بھی کرتی نظر آرہی ہیں۔ اس فلم میں انو شکا شرما کے ساتھ نیل بھوپالم مر کزی کردار ادا کرہے ہیں، جسے اس سال 6مارچ کو دنیا بھر کے سینما گھروں میں عام نمائش کیلئے پیش کردیا جائے گا۔دوسری جانب بالی وڈ اسٹار انوشکا شرما کی نے سلمان خان کے ساتھ کام نہ کرنے کی اطلاعات کو افواہیں قرار دیدیا ہے۔ بالی وڈ کی ہر اداکارہ انڈسٹری پر راج کرنیوالے خانوں کے ساتھ کام کرنے کا شوق رکھتی ہے۔
لیکن سننے میں آرہا تھاانوشکاشرمانے بڑی فلم میں سلمان خان کے ساتھ کام کرنے سے انکار کردیا ہے۔ادھر انوشکا شرما نے ایسی تمام خبروں کو افواہ قرادیا اور کہا کہ یش راج فلم “سلطان ” میں کام کرنیکیلئے کسی پروڈیوسر نے ان سے رابطہ نہیں کی۔تو سلمان خان کے ساتھ کام سے انکار کرنے کا تو سوال ہی پیدا نہیں ہوتا۔ افواہوں کے مطابق انوشکا نے ٹائیٹ شیڈول اور سلمان خان کے انکے بوائے فرینڈ ویرات کوہلی کیخلاف ناپسندیدہ بیان کے بعدان کے ساتھ کام کرنے سے انکار کیا تھا۔اس سال انوشکا کی تین فلمیں ’این ایچ 10،بمبی ویلویٹ اور دل دھڑکنے دو ‘ ریلیز ہونگی۔بالی ووڈ اداکارہ انوشکا شرما نے چھوٹی سکرین پر جلوہ گر ہونے کی خواہش کا اظہار کر دیا۔ انوشکا شرما جو اپنی نئی فلم ”این ایچ ٹین” کی پرموشن میں مصروف ہیں اس دوران اداکارہ سے پوچھا گیا کہ انہوں نے چھوٹی سکرین پر آنے کی کوئی منصوبہ بندی کر رکھی ہے تو اس پر اداکارہ نے کہا کہ وہ کسی قسم کے تخلیقی موقع کو حاصل کرنے کی خواہش مند ہیں اگر انہیں مستقبل قریب میں چھوٹی سکرین پر اچھی سٹوری ملی تو وہ ضرور اس میں کام کرینگی۔
