ایٹہ میں کوچنگ کے لئے جا رہی طالبہ پر پڑوسی نوجوان نے تیزاب پھینکا

ایٹہ: اتر پردیش میں ایٹہ شہر کے کوتوالی حلقہ میں کوچنگ میں پڑھنے جا رہی ایک طالبہ پر پڑوس میں رہنے والے نوجوان نے تیزاب پھینک دیا جس سے وہ شدید طور سے جھلس گئی۔ پولیس ذرائع کے مطابق 12ویں درجے کی طالبہ پورنیما سنگھ آج صبح تقریبا ساڑھے چھ بجے کوچنگ جا رہی تھی۔ جی آئی سی روڈ پر سائیکل سوار نوجوان اجے نے اس پر تیزاب پھینک دیا جس سے وہ شدید طور سے جھلس گئیمتاثرہ طالبہ نے اپنے بیان میں کہا کہ اس کے گھر کے پیچھے رہنے والے نوجوان اجے کے دوست اس کی پیروی کرتے تھے ۔ کل رات ملزم کا اس کے موبائل پر فون بھی آیا تھا۔طالبہ کو نازک حالت میں ضلع اسپتال میں داخل کرا دیا گیا ہے ۔ پولیس ملزمان کی تلاش کر رہی ہے ۔