ایکشن مناظر کو آسانی سےاداکیامادھوری نے

ممبئی ۔فلم گلاب گینگ میں دکشت کو اسٹنٹ کی تربیت دینے والی ٹرینر کنشکا شرما نے مادوری کی تعریف کرتے ہوئے کہا کہ مادھوری نے کچھ بے حد مشکل اور تھکا دینے والے ایکشن مناظر کو بھی اتنی خوبصورتی سے ادا کیا کہ وہ پردے پر بے حد آسا ن نظرآتے ہیں کنشکا نے کہا کہ مجھے وہ منظر یاد ہیں جب مادھوری کو ایک آدمی کی کلائی مروڑ کر اسے زور سے لات مارنی تھی اس منظر کو فلمانے سے قبل میں نے مادھوری کے ساتھ کچھ گھنٹوں تک مشق کی لیکن اس منظر کے سلسلے میں تجسس برقرار رہا بعد میں جب میں نے یہ منظر دیکھا تومیں حیران تھی کہ انہوںنے کتنی آسانی سے اسے ادا کیا۔ انہوںنے میرے سبھی تھکا دینے والے اور مشکل ایکشن کو پردے پر بہت ہی آسانی سے پیش کیا۔ کنشکا کو ہدایت کا سومیت سین نے کہا تھا کہ وہ اس طرح سے اسٹنٹ تیار کریں کہ وہ خوبصورت بھی لگیں اور حقیقی بھی۔ مادھوری کو ماردھاڑ والے مناظر کیلئے مارشل آرٹس کی تربیت دی گئی تھی۔ گلاب گینگ میں مادھوری دکشت اور جوہی چائولہ مرکزی کردار میں ہیں اس کے فلمساز انوبھوسنہا ہیں۔