ایک اور پاکستانی اداکار نے پائی ہند وستان میں شہرت

پاکستان کے پْرکشش اداکار میکال ذوالفقار کا ڈرامہ ان دنوں چینل زی زندگی پر ‘آئینہ دلہن’ کا دکھایا جا رہا ہے، اس ڈرامے کی مقبولیت نے انھیں بھی ہندوستانی ناظرین میں شہرت بخش دی ہے۔ٹئمز آف انڈیا سے بات کرتے ہوئے میکال نے بتایا “مجھے ‘بگ باس’ میں شرکت کی پیشکش ہوئی تھی مگر میں خود کو اس شو کے لیے موزوں نہیں سمجھتا، میرا خیال ہے کہ پہلی ہی قسط میں باہر نکال دیا جآں گا، کیوں کہ میں تنازعات پیدا نہیں کرسکتا”۔سپراسٹار سلمان خان کی میزبانی میں چلنے والا ریئلٹی شو تنازعات، کڑوی کسیلی باتوں، تند و تیز جھڑپوں اور شرکاء کے درمیان ہونے والی تْو تْو میں میں کے لیے مشہور ہے۔واضح رہے کہ ماضی میں وینا ملک اور علی سلیم عرف بیگم نوازش علی ‘بگ باس’ کے سیزن فور میں پاکستان کی نمائندگی کرچکے ہیں۔میکال سے ان ک
ے پسندیدہ انڈین ڈرامہ سیریل کی بارے میں پوچھا گیا تو ان کا کہنا تھا کہ وہ ڈرامے نہیں دیکھتے۔انھوں نے کہا “سچ تو یہ ہے کہ میں نے کبھی کوئی انڈین ڈرامہ نہیں دیکھا، وہ پاکستان میں مقبول ہیں مگر مجھے صرف ‘کْم کْم’ کا نام یاد ہے”۔میکال دو انڈین فلموں ‘شوٹ آن سائٹ’ (2008 ) اور ‘یو آر مائی جان’ ( 2011 ) میں بھی اداکاری کرچکے ہیں۔