ایک کروڑ روپئے سے زائد کی چرس کے ساتھ اسمگلر گرفتار

بلرامپور: ہند نیپال سرحد پر کھگرانا چوکی پر ایس ایس بی نے ایک اسمگلر کو گرفتار کر کے اس کے پاس سے ایک کروڑ روپئے سے زیادہ قیمت کی چرس برآمد کی۔ایس ایس بی ۹ویں بٹالین کے کمانڈر ایچ کے گپتا نے آج یہاں بتایا کہ ہند نیپال سرحد پر چوکی کھگرناکہ پر گشتی ٹیم نے کل اسمگلنگ کرکے لائی جارہی آٹھ کلو گرام چرس کے ساتھ ایک اسمگلر رام کشن کو گرفتار کر لیا۔ انہوں نے بتایا کہ برآمد چرس کی قیمت عالمی بازار میں ایک کروڑ تین لاکھ روپئے ہونے کا اندازہ لگایا گیا ہے۔ گرفتار اسمگلر کو پولیس کے حوالے کردیا گیا ہے۔