برلن۔جرمن کلب بائرن میونخ چمپئن لیگ کے کوارٹر فائنل میں پہنچ گیا ہے۔ اسے یہ کامیابی ہوم گراو¿نڈ پر انگلینڈ کے کلب آرسنل کی جیت کا راستہ روکنے پر ملی ہے۔چمپئن لیگ کے کوارٹر فائنل تک رسائی کے لیے بائرن میونخ اور آرسنل کے درمیان سیکنڈ لیگ کا مقابلہ منگل کی شب جرمن شہر میونخ کے آلایانس ایرینا میں ہوا۔یہ میچ ایک ایک گول سے برابر رہا۔ تاہم فرسٹ لیگ کے میچ کے نتیجے کی بنیاد پر بائرن میونخ فاتح قرار پائی اور کوارٹر فائنل میں جا پہنچی۔ آرسنل کے ہوم گراو¿نڈ پر فرسٹ لیگ کا مقابلہ بائرن میونخ نے صفر کے مقابلے میں دو گول سے جیتا تھا۔منگل کو میچ کا پہلا گول بائرن میونخ کے باستیان شوائنسٹائیگر نے کھیل کے 55 ویں منٹ میں کیا۔ اس کے فورا بعد ہی لوکاس پوڈولسکی نے آرسنل کی طرف سے گول کر کے میچ برابر کر دیا ہے۔ اس کے بعد دونوں ٹیمیں کوئی بھی گول کرنے میں کامیاب نہ ہو سکیں۔آرسنل مسلسل چوتھی مرتبہ چیمپیئنز لیگ کے کوارٹر فائنل میں پہنچنے میں ناکام رہی ہے۔ گزشتہ سیزن میں بھی آرسنل نے میونخ میں تو میچ دو صفر سے جیت لیا تھا لیکن اپنے گراو¿نڈ پر اسے بائرن میونخ کے ہاتھوں شکست کا سامنا کرنا پڑا تھا۔منگل کے میچ کے بعد اس کے مینیجر آرسین وینیج نے کہا: ”پہلے ہاف میں ہمیں دفاع پر بہت زیادہ توجہ دینا پڑی لیکن ہم جانتے تھے کہ ہاف ٹائم تک کھیل ہاتھ میں رکھنے سے جیت کا اچھا موقع رہے گا اور مجھے یقین تھا کہ دوسرے ہاف میں گول کرنے کے مواقع مل جائیں گے۔‘ ‘انہوں نے مزید کہا: ”ہم ان پر (بائرن میونخ) کبھی حقیقی دباو¿ ہی نہیں ڈال سکے، وہ اچانک نروس ہو گئے تھے لیکن ہم دو ایک کی سبقت نہ لے سکے تو آپ دیکھ سکتے ہیں کہ ان کا ردِ عمل کیا رہا۔“بائرن میونخ کے کوچ پیپ گواردیولا کا کہنا تھا کہ فرسٹ لیگ کی برتری کی وجہ سے منگل کے میچ میں ان کی ٹیم کو فائدہ ہوا۔ انہوں نے کہا: ”کھیل ہمارے کنٹرول میں تھا، ہمارے حریفوں نے بھی زیادہ دباو¿ نہیں ڈالا اور ہمارے کھلاڑیوں کے ذہن میں پہلے ہی یہ بات تھی کہ ہمیں دو صفر کی برتری حاصل ہے۔“گواردیولا نے کہا: ”آپ ہمیشہ ہی بہت زیادہ گول اسکور نہیں کر سکتے۔ یہاں ہمیں ایک اوّل درجے کی ٹیم کا سامنا تھا۔“خیال رہے کہ بائرن میونخ جرمن قومی فٹ بال چمپئن شپ بنڈس لیگا کی سر فہرست ٹیم ہے۔
