بائونسرگیند لگنے کے بعداسپتال میں داخل ہیوج

سڈنی۔سابق آسٹریلوی بلے باز شیفیلڈ شیلڈ میچ کے دوران منگل کو یہاں سین ایبوٹ کے ایک بائونسر سے زخمی ہو گئے جس کے بعد انہیں اسپتال میں داخل کرانا پڑا۔ شیفیلڈ شیلڈ میچ میں جنوبی آسٹریلیا کی جانب سے کھیلتے ہوئے ہیوج مخالف ٹیم نیو ساؤتھ ویلز کے فاسٹ بولر ایبوٹ کے ایک بائونسر سے زخمی ہو کر میدان پر ہی گر پڑے۔ 25 سالہ بلے باز ہیوج کو طبی عملے نے فوری طور منہ سے سانس دینے کی کوشش کی اور سڈنی کرکٹ گراؤنڈ پر ہی قریب 40 منٹ تک ان کا علاج کیا۔لیکن ہیوج کی طبیعت میں کوئی بہتری نہیں دیکھ ایئر ایمبولنس کو بلایا گیا۔ ہیلی کاپٹر گراؤنڈ پر ہی اترا اور ہیوج کو پھر اسپتال لے جایا گیا۔ اس معاملے کے بعد میچ کو منسوخ کر دیا گیا۔سابق آسٹریلوی بلے باز ہیوج واقعہ کے وقت تک 63 رن بنا چکے تھے لیکن فاسٹ بولر ایبوٹ کا بائونسر تیزی سے آکر ان کے سر پر لگا جس سے وہ بری طرح زخمی ہو گئے۔ ہیوج نے بائونسر لگنے کے بعد پہلے اپنے ہاتھ گھٹنے پر رکھے اور پھر وہ گراؤنڈ پر گر گئے۔ بلے باز کی حالت کو دیکھ کر میڈیکل اسٹاف اور میدان پر موجود تمام کھلاڑی دوڑ کر ان کے پاس آئے۔ہیوج کو سینٹ وسیٹ اسپتال لے جایا گیا ہے۔ ڈاکٹروں نے بتایاکی وہ اس وقت بہت ہی سنگین حالت میں ہے وہ یہاں پر سر میں چوٹ کے ساتھ لائے گئے ہیں۔ فی الحال میڈیکل اسٹاف ان کا اسکین کر رہا ہے۔ہیوج کی چوٹ کا جائزہ اسکین کے بعد ہی کہا جا سکتا ہے کہ انہیں سرجری کی ضرورت ہے یا پھر انہیں صرف تفصیلی جانچ چیمبر میں رکھا جائے ۔ کرکٹ نیو ساؤتھ ویلز نے بھی بلے باز کی حالت پر گہری فکرظاہرکی ہے۔ انہوں نے کہاڈاکٹروں کے ہیوج کی حالت کا جائزہ کئے جانے کے بعد بورڈ کو لے کر مکمل معلومات مہیا کرائے گا۔